Sual: Bizim dəzgahımız, xam maddəmiz, işlənmiş əşyalarımız və dəmir avadanlıqlarımız var. Bunların hamısının zəkatı verilməlidirmi?
CAVAB
Dəzgah, ticarət üçün olmadığına, yəni satışa çıxarılmadığına və əşya emal edildiyinə görə, dəyəri milyon da olsa, zəkatı verilmir. Dəmir avadanlıqları da nə qədər qiymətli olarsa-olsun zəkatı verilmir. Sənət sahiblərinin, istehsalçıların işlətdiyi xam maddələrinin və ya əşyalarının zəkatı verilir.
Divan satan bir tacir, hazırda var olan divanların zəkatını verməlidir. Satdığı divanlardan iki dəstini istifadə etmək üçün evinə alsa, zəkatını verməməlidir.
Zeytun yağı satan bir tacir, ildə iki tənəkə zeytun yağı yesə, bu iki tənəkə yağın zəkatı verilmir. Ticarət üçün olan bütün digər ərzaq məhsullarından bir illik məişət ehtiyacları üçün ayrılanların da zəkatı verilmir. Yəni, nisaba daxil edilmir.
Sual: Hər dükanda tez-tez mallar dəyişir. Bu malların zəkatı necə hesablanır?
CAVAB
Malın dəyişməsinin əhəmiyyəti yoxdur. Baqqal, meyvə-tərəvəz satan da mallarını tez-tez dəyişir. Mal mühümdür. Neçə manatlıq mal varsa, onun zəkatı verilir.
Sual 1: Zərgər dükanındakı 14, 18, 22 əyar qızıllardan hansına görə zəkat verməlidir?
CAVAB
Yüksək ayardan vermək daha yaxşıdır.
Sual 2: Qızılların dəyərinə işçilik də əlavə edilərmi ?
CAVAB
Əntiq və işlənmiş qızıllar ölçülür, qırxda biri zəkat olaraq verilir. Zəkat qızılla verildiyi üçün işlənmiş olub-olmaması fərq etmir.
Sual 3: Qızıl alış, yoxsa satış qiymətindən hesablanacaqdır?
CAVAB
Əldəki qızılın qırxda biri zəkat olaraq verildiyi üçün alış və ya satış qiymətini nəzərə almağa ehtiyac yoxdur.
Sual: Zəkat üçün bir malın üstündən bir il keçməlidir, deyilir. Mən meyvə-tərəvəz satanam. Bəziləri bir gün, bəziləri də bir həftə qalır. Bu malların zəkatını verməməliyəmmi?
CAVAB
Malın deyil, sərvətinizin üstündən bir il keçdikdə əlinizdə olan malların zəkatını verməyiniz fərzdir. Məsələn, 3 Rəcəbdə nisab miqdarı malınız olsa, əlinizdəki mallar dəyişib o biri ildəki Rəcəb ayının üçündə yenə əlinizdə nisab miqdarında mal varsa, bu malların zəkatını vermək fərzdir. Bu malların əlinizə yeni gəlib-gəlməməsinin fərqi yoxdur.
Sual: İpəkqurdu, balıq və toyuq yetişdirən zəkatını necə verər?
CAVAB
Qiymətini nisaba daxil edər.
Sual: Ortaqlardan biri zəkat verməsə, digərlərinə də günah olarmı?
CAVAB
Günah olmaz. Hər kəs öz payına görə cavabdehdir. Lakin, zəkat verməyən şəxslə ortaq olmaq düzgün deyildir. Allahın əmrinə tabe olmayan və yoxsulun haqqı olan zəkatı verməyən şəxs başqa günah da işləyə bilər. Ortağına xəyanət də edə bilər. Allahdan qorxmayan nə etməz ki?
Sual: Göldə yetişdirilən balıqların zəkatı varmı?
CAVAB
Satarkən bu pul digər zəkat malları ilə birlikdə nisaba çatarsa, zəkatı verilər.
Sual: Ətinə və yumurtasına görə toyuq ticarətilə məşğul olan zəkatı necə verməlidir?
CAVAB
İlin sonunda malı nisaba çatırsa, zəkatı verilər.
Sual: Bir neçə inəyim var. Çox süd satıram. Zəkatı necə verilməlidir?
CAVAB
İlin sonunda pul nisaba daxil edilər.
Sual: Şurup kimi minlərlə malı zəkatda tək-tək saymaq lazımdırmı?
CAVAB
Alarkən necə hesablanmışdırsa, o cür edilər.
Sual: Xalça ticarəti ilə məşğul olan şəxs zəkat olaraq başqa mal verə bilərmi?
CAVAB
Verə bilməz.
Sual: Xalça emal edən, maye sabunun, sapın da zəkatını verməlidirmi?
CAVAB
Tacir, sənətkar mövcud malın zəkatını malın dəyərindən hesablayar. Sabun, sap da daxildir.
Sual: Köynək tikən dərzi, zəkatı köynək olaraq verə bilərmi?
CAVAB
Bəli.
Sual: Zəkatda, çitlərin bir neçəsini ölçüb top halında təyin edilməsi caizdirmi?
CAVAB
Çox zənn edərsə, caizdir.
Sual: Bir tacir, verdiyi vergini, oğurlanan və yaxud ala bilmədiyi malını zəkata hesab edə bilərmi?
CAVAB
Hesab etməz.
Sual: Vergi zəkat əvəzinə keçə bilərmi?
CAVAB
Keçə bilməz.
Sual: Miqdarı və ödəniş tarixləri bəlli olan vergi borcları da zəkat baxımından digər borclar kimidir?
CAVAB
Bəli.
Sual: Alacaq sənədini zəkat olaraq vermək caizdirmi?
CAVAB
Alacaqlar deyndir. Nisaba qatılsa da ayn zəkatı deyndən verilmir.
Ayn= Özündə olan mal (hazır, mövcud olan mal)
Deyn= Özündə olmayan mal (hazır olmayan mal)
Sual: Əldən-ələ keçən hissə sənədi nisaba daxil edilərmi?
CAVAB
Bəli.
Sual: Zəkatımı hesablayarkən hissə sənədlərimin məbləğini necə hesablayacağam?
CAVAB
Həmin gün bazar dəyəri nədirsə, onunla hesablanar.
Sual: Yük maşını üçün əvvəldən qoyulan pulumun zəkatı varmı?
CAVAB
Yatırım edilmiş pul alıcının əmlakından çıxır, satıcının olur.
Sual: Altı baş inəyim var, südünü satıram. Bunların zəkatı necə verilir?
CAVAB
30 inək olmadıqca zəkatı verilmir. Qazancınızdan əlinizdə nə qalmışdırsa, əvvəlki pullarınızla nisaba çatırsa, bu zaman qazancın zəkatı verilər.
Sual: Zəkat, ticarət edilən maldan yoxsa qızılla verilir?
CAVAB
Bəli.
Sual: Zəkat mənfəətdən verilirmi?
CAVAB
Zəkat mənfəətdən deyil, bütün ticarət malından və ya puldan verilir.
Sual: Ticarət üçün inşaat işlərim var. Sərmayəni tikintiyə yatırım etsəm, ilin sonunda əlimdə pul qalmasa tikintinin zəkatı verilməlidirmi?
CAVAB
İnşaat işlərinə qoyulan pulun zəkatı dərhal verilmir. Bir ildən sonra mövcud olan malın bazar dəyərinə görə zəkatı hesablanır. Mal satdıqca ələ keçən puldan zəkat verilir.
Sual: Podratçıyam. Tikəcəyim evi üç yüz milyona nağd satdım. O evi iki yüzə tikə bilərəm. Üç yüzdən iki yüzü çıxanda, qalan 100 milyonun zəkatı verilimi?
CAVAB
Xeyir, tamın zəkat verilir.
Sual: Bünövrəyə xərclənən zəkat hesabına qatılırmı?
CAVAB
Bəli.
Sual: Torpaq müqabilində tikintim yarım qalıb. Zəkatı necə verilməlidir?
CAVAB
Hal-hazırda olanın zəkatı verilər. Satılacaq tikilinin yarısı ticarət malıdır. Torpaq müqabilində verilən mənzillər borc olaraq qəbul edilir. Zəkatı verilmir. Satılan mənzillərin zəkatı verilər.
Sual: Satış üçün tikilməkdə olan binalara necə zəkat vermək olar?
CAVAB
Alınan bütün materialların pulu, ticarət malı kimi nisaba qatılır. (Binanın tikilmiş hissəsinin təxmini qiyməti deyil). Binaları satdıqdan sonra əvvəlki illərin zəkatı ilə birlikdə verilər. (Yəni, tikintiyə başladığı və davam etdiyi illər)
В корзине: 0 шт.
на сумму: 0