* Təsəvvüfdə etdiyi xidmətləri özündən bilənə xain deyilir.
* Hər şey söz dinləyənə verilir, hər şey bu bir şeyin içində vardır.
* Ağlını burax qurtul, tabe ol, səadət tap.
* İnsana dövlət bir neçə dəfə ələ keçər. Onun qiymətini bilmək lazımdır!
* Fitnə çıxaranlar bir günah iş görür. Dinləyənlər iki günah iş görürlər. Bir dinlədiyi üçün, iki susdurmadığı üçün. Sus deyənə şəhid savabı var. Bir münafiq, bir ordunu pozar.
* Başda İslamiyyəti tam yaşayan əmir varsa, ona itaət tamdırsa, hər kəs onu sevirsə, əlində quru qılınc belə olsa zəfər qazanılar.
* İşi əhlinə vermək lazımdır. Əhlinə verməyən məsul olacaqdır. Əhli olmayana verərsə, yenə məsul olacaq.
* Əmir elə olmalıdır ki, əmri altındakı hər kəs “Əmir məni hamıdan daha çox sevir” desin.
* Ən böyük hədiyyəni ən böyük düşməninə ver.
* Hər xeyirli işə başlayarkən bəsmələ söyləmək lazımdır.
* Müxtəlif, ləzzətli yeməklərlə və şirin, sərin şərbətlərlə bədənlərinizi rahat və xoş tutun.
* Heyvan cilovundan, insan sözündən tutulur.
* İnsan, hər söylədiyini bilməli; ancaq hər bildiyini söyləməməlidir.
* Dərdlisənmi, istiğfar söylə, şəfa taparsan. Bir arzun varmı, qovuşmaq istəyirsənmi istiğfar söylə. Kasıbsansa, istiğfar söylə, zərərindən qurtularsan. Zənginsənsə istiğfar söylə, şükr etmiş olarsan. Allahü təala, “İstiğfar edənin yardımına çataram” buyurur.
* İki zinət insanı bəzəyir: Təvazökarlıq, həya və ədəb.
* İnsanlara təşəkkür etməyən, Allahü təalaya şükr edə bilməz.
* Xeyir görünəndə şər, şər görünəndə xeyir ola bilər.
* Kim Allah üçündürsə, Allahü təala da onun üçündür.
* Şükr demək, nemətləri yerli-yerində istifadə etməkdir. Məsələn, göz nemətinin şükrünü etmək üçün, Allahü təalanın bax dediyi yerə baxılır, baxma dediyi yerə baxılmaz.
* Cahillərlə dostluq qurmaqdan çəkin. İslamiyyəti tam bilməyən, tətbiq etməyən bir kimsə, övliyalıq yolunda olmağa cəhd edərsə, onun imanını şeytan oğurlayar. Onda kəramətə bənzəyən bəzi hallar görülsə də, bu şeytanın oyunudur.
В корзине: 0 шт.
на сумму: 0