Qəbirdən qalxarkən

Sual: İnsanlar qəbirdən necə qalxacaq?
CAVAB
Həzrəti Muaz, “Hamınız dəstə-dəstə gələcəksiniz” məalindəki ayənin təfsirini soruşduqda, Peyğəmbər əfəndimiz belə buyurmuşdur:
“Qiyamətdə ümmətimdən 12 sinif insan aşağıda bildirildiyi şəkildə həşr olacaqdır:
1- Zəkat verməyən, qəbrindən qarnı ilan və əqrəblərlə dolu olaraq,
2- Namazda səhlənkarlıq göstərən, donuz surətində,
3- Alış-verişdə yalan söyləyib aldadan, ağzından qan gələrək,
4- Qonşularına əza edən, əl və ayaqları kəsik olaraq,
5- Allahü təaladan qorxmayıb, gizlin günah işləyən, leşdən daha pis iylənmiş halda,
6- Yalan söyləyən, yalançı şahidlik edən, dili kəsik olaraq,
7- Haqlı bir şahidliyi etməyən lal vəziyyətdə,
8- Zina edən, övrət yerindən irin axaraq,
9- Haqsız yerə yetim malı yeyən, qarnı odla dolu halda,
10- Alkoqollu içki içən, üzləri qızarmış, gözləri yerindən çıxmış, dişləri öküz buynuzu kimi sivrilmiş, dodağı qarnına, qarnı da ayağına sallanmış vəziyyətdə,
11- Ana-atasına asi olan, cüzzamlı, baras xəstəsi olaraq,
12- Yaxşı işlər görən, namazı camaatla qılan və günaha tövbə edib ölən isə, üzü dolunay kimi həşr olar, Siratı şimşək kimi keçər.” [Tibyan]

Yuxarıda yazılanlar, günahlarına tövbə etmədən ölənlərə aiddir. Tövbə edən və ya savabı günahından çox olan kimsə, o şəkildə həşr olmaz. Yenə bir hədisi-şərifdə buyuruldu ki: “Söz gəzdirən, meymun; haram yeyən donuz şəklində; faizçi başı üstü sürünərək; haqsız höküm verən kor olaraq; ucbədən, yəni əməllərini bəyənən, lal və kar olaraq; işləri sözlərinə uyğun gəlməyən alim, dili sinəsinə sallanmış halda; təkəbbürlü kimsə isə, qətrandan paltar geyinərək həşr olar.” [Tibyan]