Facebook Twitter WhatsApp

İnsan parçasından istifadə etmək

Sual: İnsan parçasından istifadə etməyin və qadın südünü içməyin hökmü nədir?

CAVAB

İnsan parçasından zərurətsiz istifadə etmək və qadın südünü içmək haramdır.

Nihayə, Haniyyə və Təhzib kitablarında deyir ki:

Təbibi-müslimi hazik (Müsəlman və mütəxəssis həkim) şəfa verəcəyini və başqa dərman olmadığını söyləyincə xəstənin qan içməsi, leş yeməsi caizdir. Hələ ölümdən xilas olmaq üçün söz birliyi ilə halal olar. (Rədd-ül-muxtar c.5, s. 249)

Müsəlman mütəxəssis həkim qadın südünün mütləq yaxşı edəcəyini və başqa dərman olmadığını söyləyərsə,  xəstənin qadın südü içməsi caiz olar. (İ. Hümam-Fəth-ul Qədr)

Göründüyü kimi qadın südü içmək zərurət olanda caiz olur.  Bu baxımdan damara qan verilməsinin də caiz olduğunu, Şeyx Tahir-üz-Zavi (Həyd-ül İslami) də bildirilmişdir.  Qan və orqan nəqlinin caiz olmadığını söyləyənlər tamamilə əsassızdır.